4 مارچ توں 14 اگست 1947 تک
پنجاب دی کہانی
4 مارچ توں 14 اگست 1947 تک راہیا راہ جاندیا کیہہ کیہہ دیاں سُنا اوہ کہانی دیس پنجاب دی پتھر دے روا کیہہ کیہہ گاواں گیت وے کِکن وَجن ساز نَین نہ جِتھے پہنچدے آوے اوتھوں واج میں تَتی دھی پنجاب دی میرے پُھٹے ویکھ نصیب کِکن دَسـاں کھول کے ٹُکی گئی میری جِیب جُڑے ہوئے میرے ہَتھ وے ، جُڑے ہوئے میرے پَیر کہیا کُو ڈِگا ظُلم وے کہیا کُو ڈِگا قہر متھے اُتے ویکھ وے شوکن کالے ناگ میں سوہنی پنج دریاواں دی ویکھ تتی دے بھاگ قِسمت میری سَوں گئی جاگے کُل جہان میں جاناں میرا رَب وے میں جاناں میرا ایمان پاڑاں سُوہیاں چَولیاں ، کھولاں بازو بند میں بَھجھاں ٹُٹاں ٹھِیکریں ، ہوواں تند و تند ہوواں لِیر و لِیر وے ، ہوواں تار و تار آئو طوفانوں ہَڑو وے میں ڈُباں جا وچکار کیہہ ہویا جے دِسدے ثابت ایہہ قلبوت کیہہ میں جِیندی جاگدی دِسے کوئی ثبوت اُڈدی اُڈدی آئے وے پَرلے پاروں سُو جمن والے جِیوندے ، پَوے کوئی کَن سُو راہیا راہ جاندیا سُن جا میری گَل گِٹے گوڈے بھَن کے کِکن آواں چَل کِتھے میری اَمڑی ، جیوناں جائی ماں ناں چَپو ناں بَیڑیاں، کِکن تَراں چَناں کِتھے آنگن موکلا ، کِتھے گِیٹے گیند میں چَڑھی چوبارے اپنے ، کِس نے لائی سَیندھ کتھے گئیاں گُڈیاں گئے پَٹولے نال کِتھے مہندی رانگلی ، کِتھے سالو لال کِسے نہ گُندیاں مَینڈھیاں کِسے نہ پائے پُھل کِسے نہ پایا چونک وے زُلفاں گَئیاں کُھل کِسے نہ ڈولی پائی وے کِسے نہ گائے سُہاگ کِسے نہ گائیاں گھوڑیاں، کِسے نہ منگے لاگ کِسے رب دے روبرو کِیتا نہ اقرار کِسے نہ پانی چَکھیا میرے سِر توں وار کِتھے رانی ماں نی کِتھے راجا باپ میں ہری چند دی نار وے دِتا کِنھے سَراپ کِتھے ماں دی جائی وے کِتھے بَھین دے وِیر لَہو ماس دی سانجھ وے کِس نے دِتی چِیر کِتھے انگ سہیلیاں کِتھے پِنڈ گَراں کیہہ کیہہ مینوں بِیتیاں کِنوں دَسن جاں انگاں نالوں انگ وے کِس نے دِتے توڑ کچے گھڑے وہاج کے مینوں کِس نے دِتا روہڑ کِتھے جمن والڑے کِتھے سَجن سَین میں تتی دھی پنجاب دی رَوون تتی دے نَین زمین ہوئی دو پھاڑ وے کِسے نہ منگی رَکھ لہواں نالوں لَہو وے کِس نے کِیتے وَکھ زور زبر دی حد وے اُتاں دی بھرمار ایتھے وِکیا دھرم ایمان وے ایتھے وِکی دیس دی نار میں تاریخ ہاں ہِند دی ڈوبُو دِل وِچ پَین جو جو کَنیں سُنے میں کِتھے لِکھاں اوہ وَین کالے میرے صفحے وے ہَور لِکھے نہ جان کیہہ کیہہ دَساں ہور میں میرے وَرقے پئے شرمان راہیا راہ جاندیا کیہہ کیہہ دیاں سُنا اوہ کہانی دیس پنجاب دی پتھر دے رَوا منہ نہ دِسے گگن دا چَڑھی جو سُوہی رُت رُکھ کَنبے سَن ڈالیاں سَنے بُور دے پَت کون سُنے اَج آن کے دردمنداں دی آہ جو جو اُٹھے اندروں کِس نُوں دَساں جا اَج آکھاں وارث شاہ نوں کِتوں قبراں وِچوں بول تے اَج کتابِ عشق دا کوئی اگلا ورقہ پَھول اِک روئی سی دھی پنجاب دی توں لِکھ لِکھ مارے وَین اَج لکھاں دِھیاں روندیاں تَینوں وارث شاہ نوں کہن اُٹھ درد منداں دَیا دَردیا اُٹھ تَک اپنا پنجاب اَج بَیلے لاشاں وِچھیاں تے لَہو دی بَھری چناب کِسے نے پَنجاں پانیاں وِچ دِتی زہر رُلا تے اوہناں پانیاں دَھرت نوں دِتا پانی لا اِس زرخیز زمین دے لُوں لُوں پُھٹیا زَہر گِٹھ گِٹھ چُڑھیاں لالیاں پُھٹ پُھٹ چَڑھیا زَہر دِہ وَلسی دا پَھیر وَن وَن وگی جا اوہنے ہر اک وانس دی وَنجھلی دِتی ناگ بَنا ناگاں کِیلے لوک منہ بَس فیر ڈنگ ہی ڈنگ پَلو پَلی پنجاب دے نیلے پے گئے اَنگ گَلیوں ٹُٹے گِیت وے فیر تَرکلیوں ٹُٹی تَند ترِنجنوں ٹُٹیاں سہیلیاں چرخڑے گُھو کر بند سَنے سیج دے بیڑیاں لُڈھن دِتیاں رَوڑھ سَنے ڈالیاں پِینگ اَج پِپلاں دِتی توڑ جِتھے وَجدی سی پُھوک پیار دی اوہ وَنجلی گئی گواچ رانجھے دے سب وِیر اَج بُھل گئے اُس دی جاچ دھرتی تے لہو وَسیا قبراں پَئیاں چَون پریت دِیاں شہزادیاں اَج وِچ مَزاراں رَون اَج سَبھے کَیدو بَن گئے حُسن دے چور اَج کِتھوں لَیائیے لَبھ کے وارث شاہ اِک ہور اَج آکھاں وارث شاہ نوں کِتوں قبراں وِچوں بول تے اَج کتابِ عشق دا کوئی اگلا ورقہ پَھول ٹُٹن ڈِگن ڈَھین دا آیا اِک طوفان گودی وِچ وی کنبدی نِکی نیانی جان پر اکھیاں نے تکیا ٹُٹ گئے سب جال ٹُٹ پئے سَبھ آہلنے ٹُٹے پنجرے نال اُڈدے واہ وَرولیاں وِچ اُڈ گیا صیاد اُڈیاں کَڑیاں بَیڑیاں پنچھی فیر آزاد فیر نے چوڑے گگن ہُن فیر اُڈن دی رِیت پنکھ اُ
0 Comments
|
Archives
December 2019
فہرست
All
|